అత్యాధునిక న్యూరాలజీ సేవలు ఇక సత్తుపల్లి ప్రజలకు అందుబాటులోకి
సత్తుపల్లి మరియు పరిసర ప్రాంతాల ప్రజలకు అత్యాధునిక న్యూరాలజీ వైద్య సేవలను అందించాలనే లక్ష్యంతో “ఎస్వీ సత్తుపల్లి న్యూరో హాస్పిటల్” సోమవారం జూన్ 29, 2026న ఘనంగా ప్రారంభం కానుంది. మెయిన్ రోడ్, సిద్దారం రోడ్ ఎదురుగా ఏర్పాటు చేసిన ఈ ప్రత్యేక న్యూరో ఆసుపత్రి ప్రారంభోత్సవ కార్యక్రమం ఉదయం 10 గంటల నుంచి ప్రారంభమవుతుంది.
ఈ ఆసుపత్రిలో మెదడు, నరాలు, వెన్నుపాము సంబంధిత వ్యాధులకు ఆధునిక వైద్య సేవలు ఒకే చోట అందుబాటులో ఉండనున్నాయి. ముఖ్యంగా స్ట్రోక్, పక్షవాతం, మైగ్రేన్, ఎపిలెప్సీ (ఫిట్స్), పార్కిన్సన్స్, నరాల బలహీనత, జ్ఞాపకశక్తి సమస్యలు, తలనొప్పులు, చేతులు కాళ్లలో తిమ్మిర్లు, నరాల సంబంధిత ఇతర వ్యాధులకు నిపుణులైన వైద్యుల పర్యవేక్షణలో చికిత్సలు అందించనున్నట్లు నిర్వాహకులు తెలిపారు.
ఆసుపత్రిలో డా. బి. కృష్ణ చైతన్య రెడ్డి పూర్తి సమయ న్యూరో ఫిజీషియన్గా సేవలందించనున్నారు. ఆయన ఒస్మానియా మెడికల్ కాలేజీ నుంచి ఎంబీబీఎస్, నిమ్స్ నుంచి ఎండీ (జనరల్ మెడిసిన్), ఒస్మానియా నుంచి డీఎం న్యూరాలజీ పూర్తి చేశారు. విద్యా ప్రతిభకు గుర్తింపుగా ఒస్మానియా మెడికల్ కాలేజీ “బెస్ట్ అవుట్గోయింగ్ స్టూడెంట్” అవార్డును కూడా అందుకున్నారు.
ఈ ప్రారంభోత్సవ కార్యక్రమానికి సత్తుపల్లి ఎమ్మెల్యే డా. మట్టా రాగమయి, తెలంగాణ కాంగ్రెస్ నాయకుడు డా. మట్టా దయానంద్ విజయ్ కుమార్తో పాటు సత్తుపల్లి మున్సిపల్ చైర్పర్సన్, వైస్ చైర్పర్సన్, మున్సిపల్ కమిషనర్, వైద్య ఆరోగ్య శాఖ అధికారులు, పోలీసు శాఖ అధికారులు, ఐఎంఏ ప్రతినిధులు మరియు పలువురు ప్రజాప్రతినిధులు ముఖ్య అతిథులుగా హాజరుకానున్నారు.
గ్రామీణ ప్రాంత ప్రజలకు నగర స్థాయి న్యూరాలజీ వైద్య సేవలను అందించాలనే సంకల్పంతో ఈ ఆసుపత్రిని ప్రారంభిస్తున్నట్లు నిర్వాహకులు తెలిపారు. ప్రజలు ఈ అవకాశాన్ని సద్వినియోగం చేసుకొని న్యూరో సంబంధిత ఆరోగ్య సమస్యలకు నిపుణుల సలహాలు, చికిత్సలు పొందాలని వారు కోరారు.
