T-Hubలో మద్దూరి జగదీష్‌కు AI గ్రాడ్యుయేషన్ పట్టా ప్రధానం

సంగారెడ్డి జిల్లా గడ్డపోతారంకు చెందిన ఇంటర్మీడియట్ విద్యార్థి మద్దూరి జగదీష్, ఇటీవల ప్రఖ్యాత AI మెంటర్ నికీలు గుండ ఆధ్వర్యంలో నిర్వహించిన తెలుగు AI బూట్ క్యాంప్‌ను విజయవంతంగా పూర్తి చేశారు. ఏప్రిల్ 27, 2025న హైదరాబాద్‌లోని T-Hub వేదికగా జరిగిన గ్రాడ్యుయేషన్ కార్యక్రమంలో ప్రముఖ చార్టర్డ్ అకౌంటెంట్ అభిషేక్ బొడ్డు, ఫూజీఫిల్మ్ కెమెరా బ్రాండ్ అంబాసిడర్ తిరుపతి గౌడ్ ముఖ్య అతిథులుగా పాల్గొని మద్దూరి జగదీష్‌కు AI గ్రాడ్యుయేషన్ పట్టాను అందజేశారు.
ఈ సందర్భంగా మద్దూరి జగదీష్ మాట్లాడుతూ, “తెలుగు AI బూట్ క్యాంప్‌ నా విద్యా జీవితంలో కొత్త దిశను చూపింది. AI టూల్స్‌ను ప్రాక్టికల్‌గా నేర్చుకోవడం ద్వారా నా టెక్నికల్ నైపుణ్యాలు బాగా మెరుగుపడ్డాయి. ఈ శిక్షణ భవిష్యత్తులో నా చదువులో, కెరీర్‌లో కొత్త అవకాశాలను తెరుస్తుందని నమ్ముతున్నాను. ఈ అవకాశం కల్పించిన నికీలు గుండ సర్ కి హృదయపూర్వక ధన్యవాదాలు!” అని తెలిపారు. తెలుగు AI బూట్ క్యాంప్‌ యొక్క తదుపరి బ్యాచ్ మే 1, 2025 నుంచి ప్రారంభం కానుంది. ఈ కార్యక్రమం ద్వారా యువత, విద్యార్థులు AI టెక్నాలజీలో నైపుణ్యం సాధించే అవకాశం పొందవచ్చు.