ఆకులవారిఘనపూర్:
AI కోచ్ దివ్య మిట్ట (Divya Mitta) SVV హైస్కూల్, ఆకులవారిఘనపూర్ 25వ వార్షికోత్సవం సందర్భంగా విద్యార్థులకు Artificial Intelligence Prompting Techniques అంశంపై ప్రత్యేక శిక్షణ తరగతులు నిర్వహించి, AI వినియోగంపై అవగాహన కల్పించారు.
ఈ శిక్షణలో దివ్య మిట్ట ChatGPT వంటి ఆధునిక AI టూల్స్ను బాధ్యతాయుతంగా, సమర్థవంతంగా ఉపయోగించి పాఠ్యాంశాలను సులభంగా అర్థం చేసుకోవడం, క్లిష్టమైన అంశాలను కథల రూపంలో నేర్చుకోవడం, సినిమాటిక్ విజువలైజేషన్ ద్వారా కాన్సెప్ట్స్ను అర్థం చేసుకోవడం, వ్యక్తిగత నోట్స్ తయారు చేసుకోవడం, క్విజ్లు రూపొందించుకోవడం, హోంవర్క్ను సులభంగా పూర్తి చేసుకోవడం, స్వీయ అభ్యాస నైపుణ్యాలను పెంపొందించుకోవడం వంటి అంశాలపై ప్రాక్టికల్ డెమోలతో విద్యార్థులకు వివరించారు.
ఈ సందర్భంగా AI కోచ్ దివ్య మిట్ట మాట్లాడుతూ, కృత్రిమ మేధస్సు (AI) అనేది పట్టణాలకు మాత్రమే పరిమితం కాకుండా గ్రామీణ మరియు గిరిజన ప్రాంతాల్లోని ప్రతి విద్యార్థికి చేరాలని అన్నారు. ప్రతి విద్యార్థిలో దాగి ఉన్న ప్రతిభను వెలికితీసి, వారి ఆలోచనా శక్తి, సృజనాత్మకత, సమస్య పరిష్కార నైపుణ్యాలను అభివృద్ధి చేయడంలో AI కీలక పాత్ర పోషిస్తుందని తెలిపారు.
“ప్రతి ఒక్కరికీ AI నేర్పాలి” అనే సంకల్పంతో ప్రభుత్వ పాఠశాలలు, ప్రైవేట్ పాఠశాలలు, కళాశాలలు, ప్రభుత్వ ఉపాధ్యాయులు, డిగ్రీ విద్యార్థులు, యువత మరియు సాధారణ ప్రజలకు కూడా కృత్రిమ మేధస్సుపై అవగాహన కల్పిస్తూ శిక్షణ కార్యక్రమాలు నిర్వహించడం తన ప్రధాన లక్ష్యమని చెప్పారు.
AIను కేవలం టెక్నాలజీగా కాకుండా, ప్రతి విద్యార్థి సులభంగా నేర్చుకునే అభ్యాస సహాయకుడిగా ఉపయోగించుకోవాలని సూచించారు. సరైన విధంగా AI టూల్స్ను ఉపయోగిస్తే క్లిష్టమైన పాఠాలు కూడా సులభంగా అర్థమవుతాయని, భవిష్యత్తులో విద్య, ఉపాధి మరియు ఆవిష్కరణల ప్రపంచంలో AI కీలక పాత్ర పోషిస్తుందని తెలిపారు.
ఈ శిక్షణ కార్యక్రమంలో పాల్గొన్న విద్యార్థులు విశేష ఆసక్తి కనబరిచి, AI సహాయంతో చదువును మరింత సులభంగా, ఆసక్తికరంగా మార్చుకునే పద్ధతులను నేర్చుకున్నారు.
