IT Raids: దేశవ్యాప్తంగా శ్రీచైతన్య కాలేజీలపై ఐటీ సోదాలు కొనసాగుతున్నాయి. తెలుగు రాష్ట్రాలతో పాటు ఢిల్లీ, ముంబై బెంగళూరు, చెన్నైలో ఈ సోదాలు నిర్వహిస్తున్నారు. సోదాల్లో పెద్దమొత్తంలో అక్రమ లావాదేవీలు నిర్వహిస్తున్నట్లు అధికారులు గుర్తించారు. కాగా హైదరాబాద్ కేంద్రంగా శ్రీ చైతన్య విద్యాసంస్థలు నడుస్తున్నాయి.
అయితే విద్యార్థుల నుంచి నగదు రూపంలో డబ్బులు తీసుకొని శ్రీ చైతన్య విద్యాసంస్థలు టాక్స్ చెల్లించకుండా ఎగవేతలకు పాల్పడతున్నట్టు అధికారులు గుర్తించారు. దీనికై విద్యార్థులకు కొరకు ప్రత్యేకంగా సాఫ్ట్‌వేర్ తయారు చేసి లావాదేవీలు నడిపారు. అటు ప్రభుత్వానికి కట్టే టాక్స్ కొరకు మరో సాఫ్ట్‌వేర్ ఏర్పాటు చేసినట్టు తెలుస్తోంది. ఇక దేశ వ్యాప్తంగా ఐటీ అధికారులు సోదాలు చేస్తుండగా ఇటు హైదరాబాద్ మాదాపూర్‌లోని హెడ్‌ క్వార్టర్స్‌లోనూ సోదాలు నిర్వహిస్తున్నారు.
